غم دنیا مره گلچین هاکرده
چش اسری ره مه سرین هاکرده
مه یار بورده مره تینار سرشته
ندومه کی مره نفرین هاکرده
بی چراغ سو بیمه
بی خراک و خو بیمه
کهنه دنیای دس لینگه‌لو بیمه لینگه‌لو بیمه
نا تموم بونه مه عمر و زندگانی
نا سر انه غم خدایا
چتی ونه سر هاکنم دنیا ره هر دم خدایا
مره اول راه هدایه ناز هاکرده
مه دل جا راز هاکرده
اسا مره نارو بزو جدایی ره ساز هاکرده
بی چراغ سو بیمه
بی خراک و خو بیمه
کهنه دنیای دس لینگه‌لو بیمه لینگه‌لو بیمه
دیگه مه کار کار نوونه خار نوونه
دیگه مه یار یار نوونه
دیگه نوبهار مه وسه هر سال بهار نوونه
دیگه هلی‌دار تتی مه پلی دیار نوونه
بی چراغ سو بیمه
بی خراک و خو بیمه
کهنه دنیای دس لینگه‌لو بیمه لینگه‌لو بیمه
نرگس محمدی
تینار
