کجه بوردی مه بهار
کجه بوردی جان یار
ای کجه بورم چتی
بخونم نم‌نم شه زار
ته بهارنارنج بو بی
دمرده لمپای سو بی
خنه ره مشت سو کردی
مه بوشا گیسه ره خارخار
شونه زویی خش‌بو کردی
وقتی دنیا را ندایه
مره شه پیش جا ندایه
ته مه دس ره گیتی لس‌لس
مره وردی دشت و صحرا
دایی گل و ریحون دس
کجه بوردی مه بهار
کجه بوردی جانه یار
ای کجه بورم چتی
بخونم نم‌نم شه زار
ته شه دس ره کشی مه سر جان یارا
آسوگ آسوگ قد کشیمه
من ته همراه
مه دلبخوای واری
دنیا دنییه
هر کجه چش کشمه
مه یار دنییه
هوا اگه سنگ بواره
بنه اگه جنگ بوار
تره دس نیمه جان یار
جان یار من ته بلاره
کجه بوردی مه بهار
کجه بوردی جانه یار
برمه‌چش خو نشیین
روز و شو بیه مه کار
نرگس محمدی
برمه چش
